QVEdutech
QVEdutech
Varanasi Tour Package! Starting from 3000/- Download Bookmydarshan App from App Store
Now! Book Movie tickets from us!
Bookmydarshan Bahubali 2 (The Conclusion)

తాజా వార్తలు

Read more...
  • జయదేవ్ మూవీ పోస్టర్

  • చిరంజీవి మీట్స్ కే. విశ్వనాధ్

  • కేశవ మూవీ న్యూ హెచ్డీ పోస్టర్

  • బాహుబలి టీం పిక్స్ ఎట్ వరల్డ్ అఫ్ బాహుబలి 2 ఈవెంట్

  • రాంచరణ్ పిక్స్ ఇన్ షూటింగ్ స్పాట్

  • ఏంజెల్ మూవీ స్టిల్స్

  • తెలంగాణ ఫిలిం ఛాంబర్ ప్రెస్ మీట్ స్టిల్స్

  • బాహుబలి 2 మూవీ రిలీజ్ పోస్టర్స్

  • ప్రభాస్ ఇంటర్వ్యూ స్టిల్స్

  • బాహుబలి 2 వర్కింగ్ స్టిల్స్

  • శతమానం భవతి అప్ప్రీసియేషన్ మీట్ బై అల్లు అకాడమీ అఫ్ ఆర్ట్స్ ఫొటోస్

  • శ్రియ సరన్ హిమాయత్ నగర్ వద్ద vrk సిల్క్స్ ప్రారంభించింది

  • వంశి ఫాషన్ డిజైనర్ సినిమా ఫస్ట్ లుక్

  • సంపూర్ణేష్ బాబు కొబ్బరి మట్ట మొదటి సాంగ్ లాంచ్ పోస్టర్స్ 

  • బ్లాక్ మనీ ట్రైలర్ లాంచ్ మూవీ ఫొటోస్

  • ప్రొడ్యూసర్ మల్కాపురం శివకుమార్

  • అటు ఇటు కానీ హృదయం

  • Degala శీను సినిమా ఓపెనింగ్ స్టిల్స్

QV ERP Bookmydarshan

రాజకీయ వార్తలు

ప‌వ‌న్‌క‌ల్యాణ్ సూచ‌న‌లు

అనంత‌పురం జిల్లాలోని ఎర్ర‌తిమ్మ‌రాజు చెరువులో తెప్ప బోల్తా ప‌డి ఒకే కుటుంబంలోని 13 మంది చ‌నిపోయిన దుర్ఘ‌ట‌న‌కు ప‌వ‌న్ క‌ల్యాణ్ సంతాపాన్ని వ్య‌క్తం చేశారు. చెరువు లోతు ప్రాణాలు తీసేంత‌గా ఉన్న‌ప్పుడు స్థానిక పాల‌కులుగానీ, అధికార గ‌ణం కానీ స‌రైన ర‌క్ష‌ణ చ‌ర్య‌లు తీసుకున్న దాఖ‌లాలు లేవ‌ని విమ‌ర్శించారు. ఇక‌నైనా ప్ర‌జా ప్ర‌తినిధులు మేల్కొనాల‌ని అన్నారు. ఇటువంటి విషాద ఘ‌ట‌న‌లు జ‌ర‌గ‌కుండా చ‌ర్య‌లు తీసుకోవాల‌ని ఆయ‌న తెలిపారు. బాధితుల కుటుంబానికి వెంట‌నే సాయం చేయాల‌ని ఆయ‌న సూచించారు.

-- Hyderabad
Published:29 April 2017 10:03:34 AM

సి.బి.ఐ కోర్టులో జ‌గ‌న్‌కు ఊర‌ట‌..

వైసీపీ అధినేత జ‌గ‌న్మోహ‌న్ రెడ్డికి సి.బి.ఐ ప్ర‌త్యేక‌కోర్టులో ఊర‌ట ల‌భించింది. జ‌గ‌న్ బెయిల్ ర‌ద్దు చేయాలంటూ సిబిఐ దాఖ‌లు చేసిన పిటిష‌న్‌ను కోర్టు కొట్టేసింది. సిబిఐ వాద‌న‌లు విన్న కోర్టు వారి వాద‌న‌ల‌ను తిరస్క‌రించింది. నిబంధ‌న‌ల‌ను ఉల్లంఘించారంటూ సిబిఐ త‌ర‌పున న్యాయ‌వాది కోరిన బెయిల్ ర‌ద్దు పిటిష‌న్‌ను కొట్టేసింది. ఆక్ర‌మాస్థుల కేసులో సాక్షిగా ఉన్న మాజీ ప్ర‌భుత్వ ప్ర‌ధాన కార్య‌ద‌ర్శి ర‌మాకాంత్ రెడ్డి సాక్షి ఛానెల్‌లో ఇచ్చిన ఇంట‌ర్వ్యూను వివాదానికి కార‌ణ‌మైంది. జ‌గ‌న్ కావాల‌నే విచార‌ణ తీరును త‌ప్పు ప‌ట్టించేలా మాట్లాడించార‌ని సిబిఐ త‌ర‌పున లాయ‌ర్ వాదించారు. అయితే ఛానెల్ ఎడిట‌ర్ తీసుకునే నిర్ణ‌యాలకు, జ‌గ‌న్‌కు సంబంధం లేదంటూ కోర్టు తెలిపింది. ఇరు ప‌క్షాల వాద‌న‌ను విన్న కోర్టు సిబిఐ పిటీష‌న్‌ను కొట్టేసింది

-- Hyderabad
Published:28 April 2017 05:23:26 PM

కాంగ్రెస్ నేత‌ల‌ను నిల‌దీయండి - కె.సి.ఆర్‌

తెలంగాణ 16వ ఆవిర్భావ స‌భ వ‌రంగ‌ల్‌లో ఘ‌నంగా జ‌రిగింది. భ‌విష్య‌త్, 2019లో జ‌రిగబోయే ఎన్నిక‌ల్లో తెలంగాణ రాష్ట్ర స‌మితి పార్టీ విజ‌యం సాధించే దిశ‌గా అంద‌రూ కృషి చేయాల‌ని కేడ‌ర్‌కు పిలుపునిచ్చారు. తెలంగాణ అభివృద్ధి కోసం ప్రాజెక్టులు క‌డుతుంటే, కాంగ్రెస్ నాయ‌కులు అడ్డు త‌గులుతున్నారు. కాబ‌ట్టి వారిని గ్రామ ప్ర‌జ‌లు నిల‌దీయాల‌ని సూచించారు. కాంగ్రెస్ పాల‌న కాలంలో ముఖ్య‌మంత్రులు వై.ఎస్‌.రాజ‌శేఖ‌ర్‌రెడ్డి, కిర‌ణ్‌కుమార్ రెడ్డిలు తెలంగాణ ప్ర‌జ‌లు, నాయ‌కుల‌ను కించ‌ప‌రిచినా ప‌ట్టించుకోని కాంగ్రెస్ నేత‌లు ఇప్పుడు మాత్రం ఎందుకు అడ్డు త‌గులుతున్నార‌ని ప్ర‌శించారు. ఇలాంటి కాంగ్రెస్ నాయ‌కుల కార‌ణంగా తెలంగాణ పరిస్థితి దారుణంగా త‌యార‌య్యింద‌ని, ప్ర‌జ‌లు పొట్ట కూటి కోసం వేరే ప్రాంతాల‌కు వ‌ల‌స‌లు వెళ్ళార‌ని కూడా అన్నారు.

-- Hyderabad
Published:28 April 2017 05:24:03 PM

ఫోన్‌కు రెస్పాండ్ కాకుండే చ‌ర్య‌లు త‌ప్ప‌వు..

ఉత్త‌ర‌ప్ర‌దేశ్ కొత్త ముఖ్య‌మంత్రి యోగి అదిత్య‌నాథ్ ప్ర‌భుత్వ ఉద్యోగుల‌ను స‌రైన ట్రాక్‌లో పెట్ట‌డానికి ప్ర‌య‌త్నం చేస్తున్నారు. బయోమెట్రిక్ విధానంలో అటెండెన్స్ ఉండాల‌న్న నిర్ణ‌యం త‌ర్వాత ఆక‌స్మిక చ‌ర్య‌లు చేప‌ట్టారు. అంతంటితో ఆగ‌కుండా ఏ స‌మ‌యంలోనైనా ఉద్యోగులు విధుల్లో ఉన్నారో లేదో తెలుసుకోవ‌డానికి సీఎం సంబంధిత అధికారి ఆఫీస్ ల్యాండ్ లైన్‌కు ఫోన్ చేస్తాన‌ని, ఉద‌యం 9 గంట‌లు నుండి సాయంత్రం 6 గంట‌లు వ‌ర‌కు ఫోన్ వ‌చ్చే అవ‌కాశం ఉంద‌ని ఫోన్‌కు స‌మాధానం ఇవ్వ‌కుంటే చ‌ర్య‌లు త‌ప్ప‌వ‌ని సీనియ‌ర్ మినిష్ట‌ర్ శ్రీకాంత్ శ‌ర్మ తెలిపారు. త‌నిఖీలు, సూప‌ర్‌వైజింగ్‌లో ఉండే పోలీసు అధికారులు, ఇత‌ర ఫీల్డ్ వ‌ర్క్‌లోని ఉద్యోగుల‌కు ఇందులో మిన‌హాయింపు ఉంటుంద‌ని పెర్కొన్నారు.

-- Hyderabad
Published:28 April 2017 05:09:27 PM

ఫిల్మ్ నగర్

పిల్ల‌ల గురించి చెప్పిన స‌మంత‌!

ఆక‌లైతే అన్నం పెడ‌తారు.. పేద‌ల‌కు ఇంకోర‌కంగానో, ఇంకో ర‌కంగానో సాయం చేస్తారు. కానీ స‌మంత మాత్రం త‌ను ద‌త్త‌త తీసుకున్న పిల్ల‌ల‌కు కొత్త త‌ర‌హా గిఫ్ట్ ఇచ్చింది. శుక్ర‌వారం పుట్టిన‌రోజు జ‌రుపుకున్న స‌మంత త‌న ద‌త్త‌త తీసుకున్న పిల్ల‌ల‌తో హ్యాపీగా గ‌డిపింది. అదీ బిగ్ సినిమాస్‌లో. బిగ్ సినిమాస్‌కు త‌ను ద‌త్త‌త తీసుకున్న అనాథ పిల్ల‌ల‌ను తీసుకెళ్లింది. వారికి బాహుబ‌లి ది కంక్లూజ‌న్‌ను చూపించింది. స‌మంత మాట్లాడుతూ ``పిల్ల‌ల క‌ళ్ల‌ల్లో ఆనందం చూశాను. ఇంట్లో పిల్ల‌ల‌ను సినిమాల‌కు తీసుకెళ్ల‌డానికి అమ్మానాన్న‌లుంటారు . కానీ అనాథ పిల్ల‌ల‌ను థియేట‌ర్ల‌కు ఎవ‌రు తీసుకెళ్తారు? అందుకే నేను తీసుకెళ్లాను. పెద్ద‌ల క‌న్నా చిన్న పిల్ల‌ల‌కే ఫాంట‌సీ సినిమాల‌మీద మోజు ఎక్కువ‌గా ఉంటుంది. అందుకే నేను పిల్ల‌ల‌ను సినిమాల‌కు తీసుకొచ్చి వారి కోరిక తీర్చాను`` అని చెప్పింది స‌మంత‌.

-- Hyderabad
Published:29 April 2017 10:09:11 AM

వ‌రుణ్ చిత్రంలో అత‌నేం చేస్తాడు?

వ‌రుణ్‌తేజ్ హీరోగా న‌టిస్తున్న సినిమా ఫిదా. శేఖ‌ర్ క‌మ్ముల ద‌ర్శ‌క‌త్వంలో రూపొందుతోంది. ఈ సినిమాలో హ‌ర్ష‌వ‌ర్ధ‌న్ రాణే కీల‌క పాత్ర‌లో న‌టిస్తున్నారు. ఈ సినిమా షూటింగ్ ప్ర‌స్తుతం హైద‌రాబాద్‌లో జ‌రుగుతోంది. సాయిప‌ల్ల‌వి నాయిక‌. ఎన్నారై అబ్బాయికి, తెలంగాణ అమ్మాయికి మ‌ధ్య జ‌రిగే ప్రేమ క‌థ ఇది. ఇందులో హ‌ర్ష‌వ‌ర్ధ‌న్ రాణే పాత్ర ఏంటి? ఆరా తీశాం.. ``నేను తెలుగబ్బాయిగా మాత్రం న‌టించ‌డం లేదు. తెలుగు అబ్బాయిగా క‌నిపించ‌కూడ‌ద‌నే న‌న్ను శేఖ‌ర్ క‌మ్ముల‌గారు ఈ రోల్‌కి తీసుకున్నారు. నేను ఇంత‌కు ముందు అనామిక కోసం ఆయ‌న‌తో క‌లిసి ప‌నిచేశాను. ఇప్పుడు ఈ సినిమా కోసం శేఖ‌ర్ నాకు ఫోన్ చేయ‌గానే ``ఎవ‌రో, ఏంటో నాకు అన‌వ‌స‌రం. మీరు ఫోన్ చేశారు. అంతే చాలు.. నేను వ‌చ్చి న‌టిస్తాను` అని అన్నా. కొన్నాళ్ల త‌ర్వాత ఇప్పుడు హైద‌రాబాద్‌కి రావ‌డం ఆనందంగా ఉంది`` అని అన్నారు. త‌న పాత్ర మొత్తం చిత్రానికే కొత్త క‌థ‌లా అనిపిస్తుంద‌ని కూడా హ‌ర్ష చెప్పారు.

-- Hyderabad
Published:29 April 2017 10:04:07 AM

అమ్మాయి ప్రేమలో పడితే ప్రారంభం

హర్షవర్ధన్ ప్రొడక్షన్ హౌస్ లో హర్షవర్ధన్ నిర్మాతగా మణి దర్శకత్వం వహించి నటించిన చిత్రం `అమ్మాయి ప్రేమలో పడితే`. ఈ చిత్ర ప్రారంభోత్సవ కార్య‌క్ర‌మం గురువారం హైద‌రాబాద్‌లో జ‌రిగింది. ప్రముఖ నిర్మాత కె.ఎల్‌.దామోదర ప్రసాద్ కెమెరా స్విచ్ ఆన్ చేయగా, దర్శకుడు వీరశంకర్ క్లాప్ నివ్వడం తో ఫిల్మ్ నగర్ లోని ఫిల్మ్ ఛాంబర్ లో జరిగింది. ఈ సందర్బంగా దర్శకుడు మణి మాట్లాడుతూ నాకు ఇది రెండవ సినిమా.. నాకు ఈ అవకాశం ఇచ్చిన నిర్మాత హర్ష కు ప్రత్యేక కృతఙ్ఞతలు. ఒక జంట ప్రేమలో ఉంటే ఎలా ఉంటారు ప్రేమలో లేకపోతే ఎలా ఉంటారు అనే ట్రూ లవ్ పైన ఈ చిత్ర కాన్సెప్ట్. మంచి కథ మరియు మంచి మ్యూజిక్ తో ప్రేక్షకులకు అందించాలనే ఉద్దేశ్యం తో సినిమాను చేస్తున్నాం. మే లో అరకు ప్రాంతాలల్లో షూటింగ్ ప్రారంభిస్తామ‌ని తెలిపారు. ఈ చిత్రం లో 5 పాటలుంటాయి. తప్పకుండా సంగీతం ప్రేక్షకులను అలరిస్తుందనే నమ్మకం తో ఉన్నానంటూ ఈ చిత్ర సంగీత దర్శకుడు భాను ప్రసాద్ తెలిపారు. ఇక ఈ చిత్ర కెమెరామెన్ ఫణి మాట్లాడుతూ నన్ను నమ్మి నాకు ఈ అవకాశం ఇచ్చిన నా మిత్రుడు మణి కు నిర్మాతలకు కృతజ్ఞతలు. ఈ సినిమా లో విసువల్ పరంగా చాలా అద్భుతంగా తెరకెక్కించాలని అనుకుంటున్నా.. అది ఈ సినిమా కు ప్లస్ అవుతుందని భావిస్తున్నా అని చెప్పారు. ఇంకా ఈ ప్రారంభిత్సవం లో హీరోయిన్ షాను తో పాటు నిర్మాత హర్షవర్ధన్, శ్రీనివాసరెడ్డి లు పాల్గొని అభినందనలు మరియు అభిప్రాయాలను తెలియ చేసారు.

ఈ చిత్రానికి హీరో - మణి, హీరోయిన్- షాను, సంగీతదర్శకుడు- భానుప్రసాద్, రైటర్- బండోజి, కెమరామెన్ - ఫణి, కారియోగ్రఫర్ -సూర్య, నిర్మాతలు -హర్షవర్ధన్ మరియు రమేష్ ,దర్శకుడు- మణి.

-- Hyderabad
Published:27 April 2017 05:43:47 PM

ఇండియ‌న్ సినిమా అంటే బాహుబ‌లి అనే రేంజ్‌కు చేర‌డం గ‌ర్వంగా ఉంది - ఎస్‌.ఎస్‌.రాజ‌మౌళి

బాహుబలితో తెలుగు సినిమాకు కొత్త సొబగులు అద్దారు దర్శకుడు రాజమౌళి. తెలుగు వాడి ఖ్యాతిని అంతర్జాతీయ స్థాయిలో నిలబెట్టారు. బాహుబలి స్వప్నాన్ని నెరవేర్చుకోవడానికి ఐదేళ్ల పాటు మహా యజ్ఞమే చేశారాయన. ఎన్నో ప్రశ్నలు, మరెన్నో సందేహాలు... అన్నింటిని దాటుకొని బాహుబలి ది బిగినింగ్‌ ను ప్రేక్షకుల ముందుకు తీసుకొచ్చారు రాజమౌళి. దేశంలో అత్యధిక వసూళ్లను సాధించిన చిత్రాల్లో ఒకటిగా నిలబెట్టారు. ఈ సినిమాకు కొనసాగింపుగా రూపొందిన చిత్రం బాహుబలి ది కన్‌క్లూజన్‌. ఆర్కా మీడియా పతాకంపై రాజమౌళి దర్శకత్వంలో రూపొందిన ఈ చిత్రం ఈ నెల 28న ప్రేక్షకుల ముందుకురానుంది. ఈ సందఠంగా దర్శకుడు రాజమౌళి బుధవారం హైదరాబాద్‌లో పాత్రికేయులతో ముచ్చటించారు. ఆ సంగతులివి...

బాహుబలి ప్రపంచ స్థాయి గుర్తింపుకు కారణం?

 - సాధారణ సినిమాలతో పోలిస్తే ఈ కథలో ఉన్న భారీతనం, గ్రాఫిక్స్‌, పోరాట ఘట్టాలతో పాటు పలు అంశాలు సినిమా పట్ల అందరిలో ఆసక్తిని పెంచాయి. అన్నింటి కంటే ముఖ్యంగా పాత్రల్లో ఉన్న బలం ప్రేక్షకుల మనసుల్లో బాహుబలిని చిరస్థాయిగా నిలిచిపోయేలా చేసింది. ఓ సినిమాను చూస్తూ ఎంజాయ్‌ చేస్తే అది మంచి సినిమా అవుతుంది. ఇంటికి వెళ్లిన తర్వాత కూడా అందులోని పాత్రలను మరచిపోలేక పోతే అది గొప్ప సినిమా అవుతుంది. బాహుబలి రెండో కోవకు చెందిన సినిమా.

బాహుబలి కోసం ఐదేళ్ళు సమయం కేటాయించే ధైర్యం ఎక్కడి నుండి వచ్చింది?

- బాహుబలి సినిమా ప్రారంభించిన రోజు ఐదేళ్లు పడుతుందని ఊహించలేదు. ఒకసారి మొదలుపెట్టిన తర్వాత వెనక్కి వెళ్లలేము కదా..అందుకు ముందుకెళ్ళాం. అయితే మంచి టీం దొరికింది. ప్రొడ్యూసర్‌ నుంచి లైట్‌బాయ్‌ వరకు కుటుంబంలా కలిసిపోయి పనిచేశాం. అందుకే నాపై చాలా భారం ఉన్నా ఎప్పుడూ దానిని బరువుగా ఫీలవ్వలేదు.

కట్టప్ప బాహుబలిని చంపాడనే ప్రశ్న ఇన్ని రోజులు ఆసక్తిని క్యారీ చేస్తుంని అనుకున్నారా?

-బాహుబలిని ప్రారంభించినపుడు ఆ ఆలోచన లేదు. ఎలాంటి గందరగోళం లేకుండా బాహుబలిని అందరూ కీర్తించే సన్నివేశంతో తొలి భాగాన్ని ముగించాలని అనుకున్నాం. కానీ సాదాసీదా ముగింపు కాకుండా సినిమాలోని ప్రధాన పాత్రలను చూపిస్తూ జనాలకు ఓ ట్విస్ట్‌లాంటిది ఇస్తే బాగుంటుందని అనిపించింది. ఆ ఆలోచనతోనే కట్టప్ప బాహుబలిని చంపే సన్నివేశాన్ని చూపించాం. అది మంచి జలక్‌ అవుతుందని అనుకున్నాం కానీ ఆటంబాంబులా పేలి జనాల మనసులో బలంగా నిలిచిపోతుందని ఊహించలేదు.

బాహుబలి 2 విడుదలకు దాదాపు రెండేళ్ళ సమయం పట్టినట్టు ఉంది?

-రెండు భాగాల మధ్య పద్దెనిమిది నెలల పాటు గ్యాప్‌ వస్తుందని ఊహించలేదు. తొలి భాగాన్ని విడుదల చేసిన నాలుగు నెలల తర్వాతగానీ ఆరు నెలలు తర్వాతగానీ రెండో భాగాన్ని ప్రేక్షకుల ముందుకు తీసుకురావాలని భావించాం. కానీ బాహుబలి ది బిగినింగ్‌తోనే మా వద్ద ఉన్న డబ్బులు మొత్తం అయిపోవడంతో సెకండ్‌ పార్ట్‌ చిత్రీకరణ ఆలస్యమైంది. ప్రేక్షకులు గుర్తించుకుంటారో లేదో అనే ఆలోచనలకు తావులేకుండా మేము నమ్మింది చేసుకుంటూ వెళ్లాం.

దర్శకుడిగా, కథకుడిగా బాహుబలి మీకు సంత ప్తిని మిగిల్చిందా?

-ఇప్పటివరకూ నేను చేసిన సినిమాలతో పోలిస్తే కథకుడిగా బాహుబలి నాకు ఎక్కువ సంత ప్తిని మిగిల్చింది. నా గత సినిమాలన్నీ హీరోయిజం నేపథ్యంలో రూపొందాయి. కానీ వాటికి భిన్నంగా ఐదారు బలమైన పాత్రల ఆధారంగా బాహుబలి సినిమా చేశాను. నాకు బాగా ఇష్టమైన హీరోయిజాన్ని ఉన్నతంగా చూపించే అవకాశం ఈ సినిమాతో దొరికింది.

దర్శకుడిగా అనుకున్నదాన్ని తెరపై చూపించగలిగారా?

-ఏ దర్శకుడు తన మస్తిష్కంలో ఉన్న ఆలోచనలను హండ్రెడ్‌ పర్సెంట్‌ తెరపై చూపించలేదు. మనసులో చాలా ఆలోచనలు ఉంటాయి. కానీ వాస్తవంగా వాటిని తెరపై చూపించే విషయంలో హీరోలు, బడ్జెట్‌, డేట్స్‌.. ఇలా పలు అంశాల ప్రభావం వాటిపై ఉంటుంది. ఆ పరిధిలను ద ష్టిలో పెట్టుకునే మనం అనుకున్న అంశాన్ని తెరపై చూపించే ప్రయత్నం చేయాలి. బాహుబలి-2 విషయంలో నా మనసులో ఉన్న కథను దాదాపు చూపించానని అనుకుంటున్నాను. స్టోరీ టెల్లర్‌గా, డైరెక్టర్‌గా బాహుబలి నాకు శాటిస్పాక్షన్‌ ఇచ్చిన సినిమా.

బాహుబలి మొదలుపెట్టినపుడు ఈ స్థాయికి చేరుకుంటుందని ఊహించారా?

-ఈ సినిమా విషయంలో మేము ఊహించిన దానికంటే ప్రేక్షకులు ఎన్నో రేట్లు ఎక్కువ తిరిగిఇచ్చారు. సినిమా హిట్టవుతుందని అనుకున్నాం కానీ ఈ స్థాయిలో ఆదరణ లభిస్తుందని ఊహించలేదు. భిన్న భాషలకు చేరువ అవుతుందని, పలు దేశాల వారు మమ్మల్ని గౌరవించే స్థాయికి తీసుకెళ్తుందని ఊహించలేదు.

పార్ట్‌ 1కు వచ్చిన రెస్పాన్స్‌ చూసి పార్ట్‌ 2 కథలో మార్పులేమైనా చేశారా?

- నా దృష్టిలో బాహుబలి మొత్తం ఒకే కథ. ప్రేక్షకుడికి సులభంగా అర్థమయ్యే రీతిలో చెప్పాలనే ఉద్దేశ్యంతోనే రెండు భాగాలుగా ఈ సినిమా రూపొందించాం.ఇప్పటికే సగం చెప్పాను. మిగతా దానిని రెండో భాగంలో చూపించబోతు న్నాననే ఆలోచనే ఎప్పుడూ నా మనసులో ఉండేది. అంతే తప్ప తొలి భాగం విజయవంతమైందని రెండో భాగంలో ప్రేక్షకుడిని మెప్పించడం కోసం ఎలాంటి మార్పులు చేర్పులు చేయలేదు. కథ అనుకున్నప్పుడు నేను ఏం చెప్పదలుచుకున్నానో దానినే చూపించాను. కథలో బలం ఉంది కాబట్టి ఎప్పుడూ భయపడలేదు.

బాహుబలితో దర్శకుడిగా మీ లక్ష్యం నెరవేరిందా?

-నా లక్ష్యాలు, గమ్యాలు అన్ని ఎప్పుడో నెరవేరాయి. పెద్ద దర్శకుడిని కావాలని అనుకొని చిత్రసీమలో అడుగుపెట్టాను. తొలి నాళ్లలోనే ఆ కోరిక నెరవేరింది. మహాభారతాన్ని తెరకెక్కించాలన్న లక్ష్యమొక్కటే మిగిలింది. కానీ ఇంకో పదేళ్ల వరకు ఆ సినిమా చేయలేను కావచ్చు.

బాహుబలి సినిమాతో తెలుగు సినిమా ఖ్యాతిని ప్రపంచ స్థాయిలో నిలబెట్టడం ఎలా అనిపిస్తుంది?

-తెలుగుతో పాటు దక్షిణాది చిత్రసీమ అంటూ ఒకటుందని ప్రపంచంలో చాలా దేశాల వారికి తెలియదు. ఇండియన్‌ సినిమా అంటే బాలీవుడ్‌ మాత్రమే గుర్తుకువస్తుంది. కానీ అసలైన భారతీయ సినిమా అంటే బాహుబలి అని చెప్పుకునే స్థాయికి తెలుగు సినిమాను తీసుకెళ్లినందుకు గర్వపడుతున్నాను.

ఇంతటి భారీ చిత్రాన్ని రూపొందించడానికి మిమ్మల్ని ప్రేరేపించిన అంశాలేవి?

-నిర్మాతలు, ప్రభాస్‌తో పాటు కుటుంబ ప్రోత్సాహంతోనే ఈ సినిమా పూర్తి చేయగలిగాను. నన్ను, నా కథను, ప్రతిభను నమ్మి వారి జీవితాల్ని రిస్క్‌లో పెట్టి మరో ఆలోచన లేకుండా నిర్మాతలు ముందుకు వచ్చారు. మా కుటుంబం నన్ను ఐదేళ్ల పాటు కంటికి రెప్పలా కాపాడింది. నేను కన్న కలను సాకారం చేసుకునే క్రమంలో ప్రతి ఒక్కరూ నాకు అండగా నిలిచారు.కుటుంబం లేనిదే నేను లేను. అలాగే ప్రభాస్‌ సినిమాను పెద్ద స్థాయిలో నిలబెట్టడం కోసం చాలా కష్టపడ్డాడు.

నెక్స్‌ట్‌ ప్రాజెక్ట్‌..?

- ఇంకా ఏం ఆలోచించలేదే. హాలీడే ట్రిప్‌ వెళ్ళి వచ్చి ఏం చేయాలనే దానిపై ఆలోచిస్తాను.

-- Hyderabad
Published:27 April 2017 05:30:34 PM

తాజా వీడియో

ఏకా ఆర్ట్ ప్రొడక్షన్స్ 9 మోషన్ పోస్టర్ విడుదల

అమీ తుమీ టీజర్

కొబ్బరి మట్టా, బర్నింగ్ స్టార్ సంపూర్ణేష్ బాబు 2017

ఆరోగ్యము

నగరం లో ప్రారంభమైన మ్యాంగో ఫుడ్ ఫెస్టివల్

నగరం లో భోజన ప్రియుల కోసం మ్యాంగో ఫుడ్ ఫెస్టివల్ ప్రారంభమైంది. కూకట్ పల్లి లోని సుజనా మాల్ తోపాటు,బంజారా హిల్స్ లోని ఖాన్ ధాన్ రాజ్ ధాని మ్యాంగో ఫుడ్ ఫెస్టివల్ ప్రారంభ మైంది. జూన్ నెల వరకూ ఈ ఫుడ్ ఫెస్టివల్ కొనసాగనుందని నిర్వాహకులు తెలిపారు.ఈ మ్యాంగో ఫుడ్ ఫెస్టివల్ లో మ్యాంగో కోస్తా పులావ్, మ్యాంగో జిలేబి,మామిడి రసం, చట్ పటా కచాకైరి ముతియా,మ్యాంగో రైటా,మల్బరి మ్యాంగోకది వంటి డిషెస్ అందుబాటులో ఉన్నాయి.

-- Hyderabad
Published:March 17, 2017 5:53 am

క్రీడలు

క్రీడలు విద్యార్ధుల జీవితాల్లో ప్ర‌ధాన పాత్ర పోషిస్తాయి

హైద్రాబాద్,న్యూస్ రీల్ : క్రీడ‌ల వల్ల విద్యార్థుల‌లో చక్కటి క్రమశిక్షణ, పట్టుదల, కార్యదీక్ష , సమయస్ఫూర్తి, ఐకమత్యం వంటి గుణాలు పెంపొందతాయని‌ మాజీ జాతీయ వాలీబాల్ క్రీడాకారులు, సీనియర్ పబ్లిక్ రిలేషన్స్ మేనేజర్, ప్రిన్సిపాల్ జి.కిరణ్ రెడ్డి అన్నారు. శరీరానికి వ్యాయామాన్ని, మెదడుకి ఆలోచనా శక్తిని పెంచేవి క్రీడలే కానీ కంప్యూటర్‌, ఫెస్‌బుక్‌, వాట్స‌ఫ్ ద‌గ్గ‌ర‌ కూర్చుని ఆడే ఆటలు కావ‌ని హిత‌వు ప‌లికారు. బండ్ల‌గూడ‌లోని అరోరా సైంటిఫిక్ టెక్నాలాజిక‌ల్ అండ్ రిసెర్చ్ అకాడ‌మీ వార్షికోత్సవ సభలో గౌర‌వ‌ అతిథిగా ఆయన మాట్లడుతూ ప్రస్తుతకాలంలో విద్యార్థులు సెల్ ఫోన్‌తో ఎక్కువ సమయం గడపటం వలన ఎలాంటి వ్యాయామాలు చేయటం లేదని, దానితో వారు కొంత మందకొడిగా త‌యార‌య్యే ప్రమాదంతో పాటు భవిష్యత్తులో అనారోగ్యాలకు గురయ్యే అవకాశాలు లేక‌పోలేద‌న్నారు. ఆటలు ఆరోగ్యానికేకాక విద్యార్ధుల‌కు వినోదం అందించడంలోను, బుద్ధి వికాసం కలిగించడంలోను, చురుకుదనం పెంచడంలో కూడా తోడ్పడతాయంటూ క్రీడ‌లు విద్యార్థుల దైనందిక జీవితంలో ఒక భాగం కావాలని చెప్పారు. అంతర్లీనంగా ఉన్న శక్తిని ఆటల ద్వారా చైతన్యవంతం చేస్తే, విద్యార్థులు క్రమశిక్షణగల ఉత్తమ పౌరులుగా ఎదుగుతా రనడంలో ఏమాత్రం సందేహం లేదని చెప్పారు. క్రీడ‌ల్లో పాల్గొనే విద్యార్ధ‌లకు టీం వ‌ర్క్ సామార్ధ్యాలు పెరుగుతాయ‌ని, గెలుపోట‌ములు జీవితంలో ఒక భాగ‌మ‌న్న నిజాన్ని గ్ర‌హించ‌గ‌ల్గుతార‌ని, ఈ మేర‌కు ఆట‌ల వల్ల క‌లిగే ప్ర‌యోజ‌నాల్ని గుర్తించి ఆ దిశ‌గా విద్యార్ధుల‌ను ప్రోత్స‌హించాల్సి ఉంద‌ని సూచించారు. క్రీడ‌లు విద్యార్ధుల జీవితాల్లో ప్ర‌ధాన పాత్ర పోషిస్తాయంటూ గెలుపు కోసం ప‌డే శ్ర‌మ ఎప్పుడూ వృధా కాదు అన్నారు. విద్యార్ధులు హార్ఢ్‌వ‌ర్క్‌తో పాటు క‌మిట్‌మెంట్‌తో ప‌ని చేయ‌డం అవ‌లంభించుకోవాల‌ని, అప్పుడే వారు జీవితంలో రాణిస్తార‌ని చెప్పారు. చ‌దువుతో పాటు క్రీడ‌లు, క‌ళ‌ల్లో ప్రావీణ్యం ఏర్ప‌ర‌చుకున్న విద్యార్ధులు ఉత్త‌ములుగా ఎదుగుతార‌ని చెబుతూ క్రీడ‌ల్లో ప్ర‌తిభ క‌న‌బ‌రిచిన వారిని అభినందించారు. ఈ సంద‌ర్భ0గా విజేత‌లుగా నిలిచిన వారికి జి.కిరణ్ రెడ్డి ప్ర‌త్యేకంగా బ‌హుమ‌తులు అంద‌జేశారు. కార్యక్ర‌మంలో క‌ళాశాల నిర్వ‌హ‌కులు శ్రీల‌త‌, అనుదీప్‌, డీన్‌ వీర‌న్న, ప్ర‌ముఖులు జె.చంద్ర‌శేఖ‌ర్‌, ఎం.డి తాజుద్ధీన్ ఆహ్మ‌ద్‌, త‌దిత‌రులు పాల్గొన్నారు.

-- Hyderabad
Published:March 17, 2017 5:53 am

వ్యాపారము

కలశ ఫైన్ జువెలర్స్ స్టొర్ లాంచ్

బంజార హిల్స్ లో కలశ ఫైన్ జువెలర్స్ స్టోర్ ప్రారంభమైంది. ఈ కార్యక్రమం లో నటీమణులు తన్య హోప్,పాయల్ ఘొష్ లతో పాటు ముఖ్యాతిధులుగా హాజరయ్యారు. ఈ సందర్భంగా తన్య హోప్,పాయల్ ఘొష్ లతో పాటు పలువురు మోడల్స్ నూతన ఆభరణాలను ప్రదర్శించారు. నగరవాసులకు మరిన్ని డిజైనర్ ఆభరణాలను అందించేందుకు బంజారా హిల్స్ లో తమ బ్రాంచ్ ను ప్రారంభించినట్లు నిర్వాహకులు తెలిపారు.

-- Hyderabad
Published:March 17, 2017 5:53 am