QVEdutech
QVEdutech
BookMyDarshan
Varanasi Tour Package! Starting from 3000/- Download Bookmydarshan App from App Store
Now! Book Movie tickets from us!
Bookmydarshan Bahubali 2 (The Conclusion)

నేషన్

భార‌త్ డిమాండ్‌ను తోసిపుచ్చిన పాక్‌...

-- Hyderabad Published:28 April 2017 05:21:59 PM

ముంబై ఉగ్ర‌వాది దాడిపై మ‌ళ్ళీ విచార‌ణ జ‌ర‌పాల‌న్న భార‌త్ డిమాండ్‌ను పాకిస్థాన్ తోసిపుచ్చింది. దాడికి కార‌ణ‌మైన కీల‌క సూత్ర‌ధారి జ‌మాత్ ద‌వా చీఫ్ హ‌ఫీజ్ సయీద్ పాత్ర‌పై వాస్త‌వ‌మైన ఆధారాలుంటే త‌ప్ప విచార‌ణ చేయాలేమ‌ని పాక్ తోసిపుచ్చింది. తొమ్మిదేళ్ళ క్రితం జ‌రిగిన ముంబై దాడిలో 24 మంది భారత సాక్షుల‌ను విచారించి వారి వాంగ్మూలాల‌ను న‌మోదు చేయ‌డం మిన‌హా, కేసు విచార‌ణ మొత్తం పూర్త‌య్యిందని పాక్ తెలిపింది. ముంబై ఉగ్ర‌వాది దాడిలో 166 మంది మ‌ర‌ణించారు. స‌యీద్ ఈ దాడికి ప‌థ‌కం ర‌చించాడ‌ని భార‌త్ ఆరోపిస్తుంది.

భార‌త్‌,శ్రీలంక మ‌ధ్య సంబంధాలు మ‌రింత మెరుగు...

-- Hyderabad Published:27 April 2017 10:51:22 AM

భార‌త్ పొరుగు దేశ‌మైన శ్రీలంక ప్ర‌ధాని ర‌ణిల్ విక్ర‌మ సింఘె భార‌త్‌లో ప‌ర్య‌టించారు. ఈ ప‌ర్య‌ట‌న‌లో రెండు దేశాల మ‌ధ్య సంబంధ బాంధ‌వ్యాల గురించి ప్ర‌ధానుల మ‌ధ్య విస్తృత‌మైన చ‌ర్చ‌లు జ‌రిగాయి. ఆర్ఢిక ప‌ర‌మైన సంబంధాల‌ను మెరుగు ప‌రుచుకునేందుకు ఒప్పందాలు కుదిరాయి. ఇదే సంద‌ర్భంలో భార‌త జాల‌ర్ల ప‌ట్ల మాన‌వ‌తా దృక్ప‌థంతో వ్య‌వ‌హ‌రించాల‌ని భార‌త విదేశాంగ శాఖ తెలిపింది. ప్ర‌ధాని మోదీ ఏర్పాటు చేసిన విందును శ్రీలంక ప్ర‌ధాని ర‌ణిల్ విక్ర‌మ్ సింఘె స్వీక‌రించారు. ద‌క్షిణాసియాలో ఇస్లామిక్ స్టేట్స్ ఉగ్ర‌వాద సంస్థ‌తో ఉన్న ముప్పును ఎలా ఎదుర్కొవాల‌నే దానిపై భార‌త హోం మంత్రి, విక్ర‌మ సింఘె మ‌ద్య చర్చ‌లు జ‌రిగాయి. ఐఎస్ ముప్పైపై ఇరు దేశాల భ‌ద్ర‌త సంస్థ‌ల మ‌ధ్య సంప్ర‌దింపులు నిరంతరొ కొన‌సాగాల‌ని ఇద్ద‌రు నాయ‌కులు తెలిపారు.

లాలూకు 1000 కోట్ల బినామీ ఆస్థులు

-- Hyderabad Published:24 April 2017 11:21:48 AM

ఆర్జెడి నేత లాలూ ప్ర‌సాద్ యాదవ్ కుటుంబం పేరుపై 1000 కోట్ల బినామీ ఆస్థులున్న‌ట్లు విమర్శ‌లు వ‌స్తున్నాయి. బినామీ కంపెనీలు ఏర్పాటు చేయ‌డం, ఇత‌రుల కంపెనీలును సొంతం చేసుకోవ‌డంతో ఈ ఆస్థుల‌ను సంపాదించార‌ని బిజెపి నేత సుశీల్ మోదీ ఆరోపించారు. డిలైట్‌ మార్కెటింగ్‌ ప్రయివేటు లిమిటెడ్‌, ఏకే ఇన్ఫోసిస్టమ్స్‌ ప్రయివేటు లిమిటెడ్‌, ఆర్జేడీ ఎంపీ ప్రేంచంద్‌ గుప్తా, ఓం ప్రకాశ్‌ కత్యాల్‌లకు చెందిన కంపెనీలను లాలూ త‌మ కుటుంబం పేరు మీద‌కు మార్పించుకోవ‌డం వంటి అభియోగాలున్నాయి.

ఢిల్లీలోని ఎబి ఎక్స్‌పోర్ట్ కంపెనీకి చెందిన 115 కోట్ల విలువైన ఆస్థిని లాలూ కుటుంబం చేజిక్కించుకుంద‌ని సుశీల్ మోదీ ఆరోపించారు. గ‌తంలో ఈ సంస్థ‌కు లాలూ రైల్వీ మినిష్ట‌ర్‌గా ఉన్న‌ప్పుడు 5 కోట్ల వ‌డ్డీ లేని రుణాలు ఇచ్చారు. ఆ డ‌బ్బుతో ఢిల్లీలో స్థ‌లం కొన్నారు. ఇప్పుడు ఆ స్థ‌లం ఖ‌రీదు 55 కోట్లు, అలాగే 60 కోట్ల‌తో నాలుగంతస్థుల భ‌వ‌నం క‌డుతున్నారు. అసలు వ‌డ్డీ లేని రుణాలు ఎందుకు ఇచ్చారో ద‌ర్యాప్తు చేయించాల‌ని సుశీల్ మోదీ ఆరోపించారు. అయితే సుశీల్ మోదీ ఆధారాలు లేని ఆరోప‌ణ‌లు చేస్తున్నార‌ని ఆర్‌జెడి అధికార ప్ర‌తినిధి మృత్యంజ‌య తివారీ ఆ వార్త‌ల‌ను కొట్టి పారేశారు.

సీఎంగా ప‌న్నీరు సెల్వం..?

-- Hyderabad Published:24 April 2017 11:17:48 AM

అమ్మ జ‌య‌ల‌లిత మ‌ర‌ణం త‌ర్వాత త‌మిళ‌నాడు రాజ‌కీయాల్లో పెనుమార్పులే చోటు చేసుకున్నాయి. శ‌శిక‌ళ వ‌ర్గం, ప‌న్నీరు సెల్వం వ‌ర్గంలో ముఖ్యమంత్రి పీఠంపై క‌న్నేశారు. శ‌శిక‌ళ జైలుకు వెళ్ళిపోవ‌డంతో ప‌ళ‌నిస్వామి సీఎం కావ‌డంతో త‌మిళ రాజ‌కీయాలు మ‌రో మ‌లుపు తీసుకున్నాయి. ఆర్.కె.న‌గ‌ర్ ఎన్నిక‌ల కార‌ణంగా దిన‌క‌ర‌న్‌, ఎన్నిక‌ల క‌మీష‌న్‌కు రెండాకులు చిహ్నం కోసం లంచం ఇచ్చి అడ్డంగా దొరికి పోవ‌డంతో పెను దుమార‌మే చెల‌రేగింది. అన్నా డి.ఎం.కె ఎమ్మెల్యేలు స‌మావేశ‌మై శశిక‌ళ ఫ్యామిలీని పార్టీకి దూరంగా పెట్టాల‌నే నిర్ణ‌యం తీసుకున్నారు. అన్నా డిఎంకె రెండు వ‌ర్గాలుగా చీల‌పోయాయి. ఇప్పుడు ఈ రెండు వ‌ర్గాల విలీనానికి సంబంధించి చ‌ర్చ‌లు జ‌రిగాయి. అన్నీ అనుకున్న‌ట్టు జ‌రిగితే ప‌న్నీరు సెల్వం ముఖ్య‌మంత్రిగా ప‌దవి బాధ్య‌త‌లు చేప‌డ‌తాడు. అయితే ప్రార్టీ ప్ర‌ధాన కార్య‌ద‌ర్శి ఎవ‌ర‌నే దానిపై సందిగ్ధం నెల‌కొంది. అ్ర‌లెడి శ‌శిక‌ళ పార్టీ ప్ర‌ధాన కార్య‌ద‌ర్శిగా ఉన్న‌ట్లు ఇచ్చిన లేఖ‌ను వెన‌క్కి తీసుకోవాల్సి ఉంటుంది. ఇందుకు రెండు, మూడు నెల‌ల స‌మ‌యం ప‌డుతుంది. ఈలోపు ప‌ళ‌నిస్వామికి ఉప ముఖ్య‌మంత్రి ప‌ద‌వి ఇచ్చి, రెండు వ‌ర్గాలు క‌లిసిపోయి ఎన్నిక‌ల్లో పోటీ చేయాల‌నే దిశ‌గా అడుగులు వేస్తున్నారు. త్వ‌ర‌లోనే దీనికి సంబంధించి అధికార‌క ప్ర‌క‌ట‌న వ‌చ్చే అవ‌కాశాలున్నాయ‌ని అంటున్నారు.

అంద‌రి ముఖ్య‌మంత్రుల‌ కృషితోనే న‌వ‌భార‌త్ సాధ్యం - ప్ర‌ధాని మోదీ

-- Hyderabad Published:24 April 2017 10:56:39 AM

ఈరోజు న్యూఢిల్లీ రాష్ట్ర‌ప‌తి భ‌వ‌న్ వేదిక‌గా ప్ర‌ధాని నరేంద్ర‌మోదీ అధ్య‌క్ష‌త‌న నీతి ఆయోగ్ పాల‌క మండ‌లి మూడో సమావేశం ఆదివారం ప్రారంభ‌మైంది. ఈ స‌మావేశంలో రాజ్‌నాథ్ సింగ్‌, నితిన్ గ‌డ్క‌రీ, జావ‌దేక‌ర్ స‌హా అన్నీ రాష్ట్రాల ముఖ్య‌మంత్రులు, గ‌వ‌ర్న‌ర్స్‌, ప్ర‌ధాన కార్య‌ద‌ర్శులు హాజ‌ర‌య్యారు. ఈ స‌మావేశంలో అన్నీ రాష్ట్రాల ముఖ్య‌మంత్రులు ప‌నిచేస్తే న‌వ‌భార‌త్ సాధ్య‌మ‌వుతుందని, జిఎస్‌టిపై అంద‌రూ ఓకాభిప్రాయానికి రావ‌డం చ‌రిత్ర‌లో నిలిచిపోతుంద‌ని అన్న ప్ర‌ధాని, ఒకే దేశం, ఒకే ఆశ‌యం, ఒకే నిర్ణయం జిఎస్‌టి ప్ర‌ధాన ల‌క్ష్య‌మ‌ని, ఒకేసారి ఎన్నిక‌ల నిర్వ‌హ‌ణ‌పై దేశ వ్యాప్తంగా చ‌ర్చ‌లు కొన‌సాగాల‌ని కోరారు. ఈ కార్యక్ర‌మానికి ఢిల్లీ ముఖ్య‌మంత్రి క్రేజీవాల్‌, కోల్‌క‌త్తా ముఖ్య‌మంత్రి మ‌మ‌తా బెన‌ర్జీలు గైర్హాజ‌ర‌య్యారు.

రైతుల‌ను ఆందోళ‌న విర‌మించాల‌ని కోరిన ముఖ్య‌మంత్రి..

-- Hyderabad Published:24 April 2017 10:08:30 AM

కొన్ని రోజులుగా ఢిల్లీ జంత‌ర్ మంత‌ర్ వ‌ద్ద త‌మ స‌మ‌స్య‌ల‌ను ప‌రిష్క‌రించాల‌ని కోరుతూ త‌మిళ రైతులు ఆందోళ‌న కొన‌సాగిస్తున్న సంగ‌తి తెలిసిందే. అయితే త‌మిళనాడులో నెల‌కొన్న రాజ‌కీయ ప‌రిస్థితులు గురించి ఢిల్లీలోని పెద్ద‌ల‌తో మాట్లాడ‌టానికి వెళ్ళిన ప్ర‌స్తుత ముఖ్య‌మంత్రి ప‌ళ‌నిస్వామి రైతుల‌ను క‌లిశారు. ఉత్త‌ర‌ప్ర‌దేశ్‌లోని రైతుల‌కు రుణ‌మాఫీని క‌లిగించిన రీతిలో త‌మ‌కు కూడా కేంద్ర ప్ర‌భుత్వం స‌పోర్ట్ చేయాల‌ని కోరారు. త‌ప్ప‌కుండా కేంద్ర ప్ర‌భుత్వం దృష్టికి ఈ స‌మ‌స్య‌ను ప‌రిష్క‌రిస్తామ‌ని, ఆందోళ‌న‌ను విర‌మించాల్సిందిగా ప‌ళ‌నిస్వామి రైతుల‌ను కోరారు.

బ‌యోమెట్రిక్ ప‌ద్ధతిపై యోగి క‌న్ను...ఆదేశం..

-- Hyderabad Published:24 April 2017 09:50:18 AM

ఉత్త‌ర‌ప్రదేశ్ సీఎం యోగి ఆదిత్య‌నాథ్ త‌న‌దైన దూకుడును ప్ర‌ద‌ర్శిస్తూనే ఉన్నారు. గ‌వ‌ర్న‌మెంట్ ఉద్యోగుల పిల్ల‌లు గ‌వ‌ర్న‌మెంట్ స్కూల్‌లోనే ప‌నిచేయాల‌నే కండిష‌న్ పెట్టారు. కేంద్ర‌ప్ర‌భుత్వం నిర్ణ‌యం తీసుకోక ముందే త‌న కారుపై ఉన్న ఎర్ర‌బుగ్గ‌ను తొల‌గించారు. భ‌ద్ర‌తా స‌మావేశంలో 150 మంది విఐపిల్లో 105 మందికి పూర్తిస్థాయి భ‌ద్ర‌త‌ను తొల‌గించారు. ఇందులో మాజీ సీఎంలు అఖిలేష్ యాద‌వ్‌, మాయ‌వ‌తి కూడా ఉండ‌టం విశేషం. తాజాగా ప్ర‌భుత్వ ఉద్యోగుల్లో నిబ‌ద్ధ‌త పెంచ‌డానికి, అనుకున్న స‌మ‌యానికి ఆఫీసుకు చేర‌డానికి బ‌యోమెట్రిక్ అంటెండ‌న్స్ విధానాన్ని త‌ప్ప‌నిస‌రి చేయ‌డానికి నిర్ణ‌యించుకున్నార‌ట‌.

ఎర్ర‌బుగ్గ కార్లు ఉండ‌విక‌...

-- Hyderabad Published:19 April 2017 06:11:36 PM

ప్ర‌ధాని మంత్రి న‌రేంద్ర‌మోడీ స‌హా విఐపిలంద‌రి కార్ల‌కు ఇక‌పై ఎర్ర‌బుగ్గ కార్లు ఉండ‌వు. ఇక‌పై అంద‌రూ సాధార‌ణంగా వారి వాహ‌నాల్లో ప్ర‌యాణించాల్సిందే. ఈరోజు జ‌రిగిన కేంద్ర మంత్రి వ‌ర్గ స‌మావేశంలో ఈ నిర్ణ‌యం తీసుకున్నారు. మే 1 దీనికి సంబంధించిన అధికార‌క నోటిఫికేష‌న్ వెలువ‌డ‌నుంది. ఎర్ర‌బుగ్గ‌ల‌ను విఐపి కార్ల‌పై తొలగించాల‌నే చారిత్రాత్మ‌క నిర్ణ‌యం తీసుకున్నామ‌ని కేంద్ర మంత్రి నితిన్ గ‌డ్క‌రీ తెలిపారు. కేబినెట్ నిర్ణ‌యం బ‌య‌ట‌కు రాగానే నితిన్ గ‌డ్క‌రీ త‌న కారుకున్న ఎర్ర బుగ్గ‌ను తొలగించారు. ఈ నిర్ణ‌యం వెలువ‌డ‌క ముందే ఉత్త‌ర‌ప్ర‌దేశ్ సీఎం ఆదిత్య‌నాథ్‌, పంజాబ్ సీఎం అమ‌రింద‌ర్‌సింగ్‌లు వారి కార్ల‌కున్న ఎర్ర‌బుగ్గ‌ల‌ను తొల‌గించ‌డం విశేషం.

QV ERP

news

ప‌వ‌న్‌క‌ల్యాణ్ సూచ‌న‌లు

అనంత‌పురం జిల్లాలోని ఎర్ర‌తిమ్మ‌రాజు చెరువులో తెప్ప బోల్తా ప‌డి ఒకే కుటుంబంలోని 13 మంది చ‌నిపోయిన దుర్ఘ‌ట‌న‌కు ప‌వ‌న్ క‌ల్యాణ్ సంతాపాన్ని వ్య‌క్తం చేశారు. చెరువు లోతు ప్రాణాలు తీసేంత‌గా ఉన్న‌ప్పుడు స్థానిక పాల‌కులుగానీ, అధికార గ‌ణం కానీ స‌రైన ర‌క్ష‌ణ చ‌ర్య‌లు తీసుకున్న దాఖ‌లాలు లేవ‌ని విమ‌ర్శించారు. ఇక‌నైనా ప్ర‌జా ప్ర‌తినిధులు మేల్కొనాల‌ని అన్నారు. ఇటువంటి విషాద ఘ‌ట‌న‌లు జ‌ర‌గ‌కుండా చ‌ర్య‌లు తీసుకోవాల‌ని ఆయ‌న తెలిపారు. బాధితుల కుటుంబానికి వెంట‌నే సాయం చేయాల‌ని ఆయ‌న సూచించారు.

సి.బి.ఐ కోర్టులో జ‌గ‌న్‌కు ఊర‌ట‌..

వైసీపీ అధినేత జ‌గ‌న్మోహ‌న్ రెడ్డికి సి.బి.ఐ ప్ర‌త్యేక‌కోర్టులో ఊర‌ట ల‌భించింది. జ‌గ‌న్ బెయిల్ ర‌ద్దు చేయాలంటూ సిబిఐ దాఖ‌లు చేసిన పిటిష‌న్‌ను కోర్టు కొట్టేసింది. సిబిఐ వాద‌న‌లు విన్న కోర్టు వారి వాద‌న‌ల‌ను తిరస్క‌రించింది. నిబంధ‌న‌ల‌ను ఉల్లంఘించారంటూ సిబిఐ త‌ర‌పున న్యాయ‌వాది కోరిన బెయిల్ ర‌ద్దు పిటిష‌న్‌ను కొట్టేసింది. ఆక్ర‌మాస్థుల కేసులో సాక్షిగా ఉన్న మాజీ ప్ర‌భుత్వ ప్ర‌ధాన కార్య‌ద‌ర్శి ర‌మాకాంత్ రెడ్డి సాక్షి ఛానెల్‌లో ఇచ్చిన ఇంట‌ర్వ్యూను వివాదానికి కార‌ణ‌మైంది. జ‌గ‌న్ కావాల‌నే విచార‌ణ తీరును త‌ప్పు ప‌ట్టించేలా మాట్లాడించార‌ని సిబిఐ త‌ర‌పున లాయ‌ర్ వాదించారు. అయితే ఛానెల్ ఎడిట‌ర్ తీసుకునే నిర్ణ‌యాలకు, జ‌గ‌న్‌కు సంబంధం లేదంటూ కోర్టు తెలిపింది. ఇరు ప‌క్షాల వాద‌న‌ను విన్న కోర్టు సిబిఐ పిటీష‌న్‌ను కొట్టేసింది

కాంగ్రెస్ నేత‌ల‌ను నిల‌దీయండి - కె.సి.ఆర్‌

తెలంగాణ 16వ ఆవిర్భావ స‌భ వ‌రంగ‌ల్‌లో ఘ‌నంగా జ‌రిగింది. భ‌విష్య‌త్, 2019లో జ‌రిగబోయే ఎన్నిక‌ల్లో తెలంగాణ రాష్ట్ర స‌మితి పార్టీ విజ‌యం సాధించే దిశ‌గా అంద‌రూ కృషి చేయాల‌ని కేడ‌ర్‌కు పిలుపునిచ్చారు. తెలంగాణ అభివృద్ధి కోసం ప్రాజెక్టులు క‌డుతుంటే, కాంగ్రెస్ నాయ‌కులు అడ్డు త‌గులుతున్నారు. కాబ‌ట్టి వారిని గ్రామ ప్ర‌జ‌లు నిల‌దీయాల‌ని సూచించారు. కాంగ్రెస్ పాల‌న కాలంలో ముఖ్య‌మంత్రులు వై.ఎస్‌.రాజ‌శేఖ‌ర్‌రెడ్డి, కిర‌ణ్‌కుమార్ రెడ్డిలు తెలంగాణ ప్ర‌జ‌లు, నాయ‌కుల‌ను కించ‌ప‌రిచినా ప‌ట్టించుకోని కాంగ్రెస్ నేత‌లు ఇప్పుడు మాత్రం ఎందుకు అడ్డు త‌గులుతున్నార‌ని ప్ర‌శించారు. ఇలాంటి కాంగ్రెస్ నాయ‌కుల కార‌ణంగా తెలంగాణ పరిస్థితి దారుణంగా త‌యార‌య్యింద‌ని, ప్ర‌జ‌లు పొట్ట కూటి కోసం వేరే ప్రాంతాల‌కు వ‌ల‌స‌లు వెళ్ళార‌ని కూడా అన్నారు.

ఫోన్‌కు రెస్పాండ్ కాకుండే చ‌ర్య‌లు త‌ప్ప‌వు..

ఉత్త‌ర‌ప్ర‌దేశ్ కొత్త ముఖ్య‌మంత్రి యోగి అదిత్య‌నాథ్ ప్ర‌భుత్వ ఉద్యోగుల‌ను స‌రైన ట్రాక్‌లో పెట్ట‌డానికి ప్ర‌య‌త్నం చేస్తున్నారు. బయోమెట్రిక్ విధానంలో అటెండెన్స్ ఉండాల‌న్న నిర్ణ‌యం త‌ర్వాత ఆక‌స్మిక చ‌ర్య‌లు చేప‌ట్టారు. అంతంటితో ఆగ‌కుండా ఏ స‌మ‌యంలోనైనా ఉద్యోగులు విధుల్లో ఉన్నారో లేదో తెలుసుకోవ‌డానికి సీఎం సంబంధిత అధికారి ఆఫీస్ ల్యాండ్ లైన్‌కు ఫోన్ చేస్తాన‌ని, ఉద‌యం 9 గంట‌లు నుండి సాయంత్రం 6 గంట‌లు వ‌ర‌కు ఫోన్ వ‌చ్చే అవ‌కాశం ఉంద‌ని ఫోన్‌కు స‌మాధానం ఇవ్వ‌కుంటే చ‌ర్య‌లు త‌ప్ప‌వ‌ని సీనియ‌ర్ మినిష్ట‌ర్ శ్రీకాంత్ శ‌ర్మ తెలిపారు. త‌నిఖీలు, సూప‌ర్‌వైజింగ్‌లో ఉండే పోలీసు అధికారులు, ఇత‌ర ఫీల్డ్ వ‌ర్క్‌లోని ఉద్యోగుల‌కు ఇందులో మిన‌హాయింపు ఉంటుంద‌ని పెర్కొన్నారు.

వినోద్ ఖ‌న్నా క‌న్నుమూత‌

సీనియ‌ర్ బాలీవుడ్ హీరో వినోద్ ఖ‌(70)న్నా క్యాన్స‌ర్‌తో క‌న్నుమూశారు. 1968లో మ‌న్ కా మీత్ చిత్రంతో తెరంగేట్రం చేసిన వినోద్ ఖ‌న్నా2015 వ‌ర‌కు విల‌న్‌గా, హీరోగా 140 చిత్రాల‌కు పైగా న‌టించారు. ‘మేరే గావ్‌ మేరా దేశ్‌’, ‘గ‌ద్దార్‌’(1973), ‘అమర్‌ అక్బర్‌ ఆంటోనీ’, ‘రాజ్‌పుత్‌’, ‘ఖుర్బానీ’, ‘దయావన్‌’ తదితర చిత్రాల ద్వారా మంచి గుర్తింపు తెచుకున్నారు. వినోద్ ఖ‌న్నా న‌టించిన చివ‌రి చిత్రం దిల్‌వాలే. సినీ రంగంతో పాటు రాజ‌కీయ రంగంలో కూడా వినోద్ ఖ‌న్నా త‌న‌దైన ముద్ర వేశారు. ప్ర‌స్తుతం గురుదాస్ పూర్ పార్ల‌మెంట్ స‌భ్యుడుగా కొన‌సాగుతున్నారు. 141 చిత్రాల్లో పలు పాత్రల్లో కన్పించిన వినోద్‌ ఖన్నా.. ఫిలింఫేర్‌ జీవిత సాఫల్య పురస్కారాన్ని అందుకున్నారు. ఫిలింఫేర్‌ అవార్డు, స్టార్‌ డస్ట్‌ అవార్డు, జీ సినిమా లైఫ్‌ టైమ్‌ అఛీవ్‌మెంట్‌ అవార్డు అందుకున్నారు. కేంద్ర మంత్రి స్మృతి ఇరానీ నటించిన మేరే అప్నే అనే హిందీ సీరియల్‌తో బుల్లితెర ప్రేక్షకులను కూడా అలరించారు.

స్వ‌చ్ఛంద సంస్థ‌ల‌పై సుప్రీం కొర‌డా

స్వ‌చ్ఛంద సంస్థ‌ల నిధుల దుర్వినియోగంపై చ‌ర్య‌లు తీసుకోవాల‌ని కోరుతూ అన్నా హజారే అధ్వ‌ర్యంలో హింద్ స్వ‌రాజ్ ట్ర‌స్ట్ దాఖ‌లు చేసిన ప్ర‌జా ప్ర‌యోజ‌న వ్యాజ్యం విచార‌ణ సంద‌ర్భంగా సుప్రీం కోర్టు స్వ‌చ్ఛంద సంస్థ‌ల నియంత్ర‌ణ‌పై నూత‌న చ‌ట్టం తీసుకు రావాల‌ని కేంద్ర ప్ర‌భుత్వాన్ని కోరింది. సంస్థ‌ల‌కు నిధులు మంజూరు, నిధులు మిగ‌లుపై తీసుకోవాల్సిన చర్య‌లు త‌దిత‌ర అంశాల‌పై ఎనిమిది వారాల్లో నివేదిక స‌మ‌ర్పించాల‌ని జ‌స్టిస్ జె.ఎస్‌.ఖెహ‌ర్‌, డి.వై.చంద్ర‌చూడ్‌, జ‌స్టిస్ ఎస్‌.కె.కౌల్‌తో కూడిన ధ‌ర్మాస‌నం ఉత్త‌ర్వులు కోరింది. కౌన్సిల్ ఫ‌ర్ అడ్వాన్స్‌మెంట్ ఆఫ్ పీపుల్ యాక్ష‌న్ అండ్ రూర‌ల్ టెక్నాల‌జీ(క‌పార్ట్‌) నివేదిక నిధులు దుర్వినియోగం చేసిన 159 సంస్థ‌లపై కేసులు న‌మోదు చేయాల‌ని సిపార్స్ చేసిన‌ట్టు తెలిపింది. నిషిద్ధ జాబితాలోని 718 సంస్థ‌ల్లో వ్య‌య వివ‌రాలు సమ‌ర్పించిన 15 సంస్థ‌ల‌ను జాబితా నుండి తొల‌గించామ‌ని తెలిపాం.

హుగ్లీలో కూలిన బ్రిడ్జ్‌..

ప‌శ్చిమ బెంగాల్‌లోని హుగ్లీ జిల్లాలో ఘోర ప్ర‌మాదం చోటు చేసుకుంది. భ్రందేశ్వ‌ర్ ప్రాంతంలో ఓడ‌లో ఎక్కేందుకు నిర్మించిన బ్రిడ్జ్ కూలిపోయింది. ఈ ప్ర‌మాదంలో ముగ్గురు మ‌ర‌ణించ‌గా 65 మంది గ‌ల్లంత‌య్యారు. స‌మాచారం అందుకున్న పోలీసులు ఘ‌ట‌నాస్థ‌లాన్ని చేరుకుని స‌హాయ చర్య‌లు చేప‌ట్టారు. స‌ముద్రంలో భారీ అల‌లు కార‌ణంగా వంతెన కూలిపోయింద‌ని అధికారులు పెర్కొన్నారు. గ‌ల్లంతైన వారి కోసం గ‌జ ఈత‌గాళ్ళు గాలింపు చర్య‌లు చేప‌ట్టారు

2014 త‌ర్వాత టీచ‌ర్ డిగ్రీలు చెల్ల‌వు

2014లో జాతీయ ఉపాధ్యాయ విద్యా మండ‌లి జారీ చేసిన మార్గ‌ద‌ర్శ‌కాల ప్ర‌కారం తెలుగు పండిత, ఉర్దూ, హిందీ పండిత శిక్ష‌ణ కోర్సులేవీ చెల్ల‌వు. 2014కు ముందు ఎస్‌సిఇటి గుర్తింపు క‌లిగి ఉండే మాత్ర‌మే మిన‌హాయింపు ఉంటుంది. ఈ డిగ్రీతో స‌మానంగా ఉన్న 16 ర‌కాల కోర్సులు కూడా చెల్లుబాటు కావ‌ట‌. తెలంగాణ రాష్ట్ర ప‌బ్లిక్ స‌ర్వీస్ క‌మీష‌న్‌, గురుకుల టీచ‌ర్ పోస్టులు భ‌ర్తీకి దర‌ఖాస్తుల‌ను స్వీక‌రిస్తున్న సంగ‌తి తెలిసిందే. కొత్త పేర్ల‌తో డిగ్రీలు పెట్టిన ద‌ర‌ఖాస్తులు వ‌స్తుండ‌టంతో ఎస్‌సిఇఆర్‌టి నుండి స్ప‌ష్ట‌త తీసుకురావాల‌ని టిఎస్‌పీఎస్పీ స్ప‌ష్టం చేసింది. అభ్య‌ర్థులు దీనిపై విద్యాశాఖ ప్ర‌త్యేక ప్ర‌ధాన కార్య‌ద‌ర్శి రంజీవి్ ఆర్ ఆచార్య‌, పాఠ‌శాల విద్య డైరెక్ట‌ర్ కిష‌న్‌, ఎస్‌సిఇఆర్‌టి డైరెక్ట‌ర్ జ‌గ‌న్నాథ‌రెడ్డిని క‌లిశారు. యూజిసి అధికారుల దృష్టికి తీసుకెళ్ళారు. ఆ కోర్సుల్లో 16 డిగ్రీల‌కు యూజిసి గుర్తింపు లేద‌ని, మ‌రో 7 ర‌కాల డిగ్రీల‌పై సందేహాలున్నాయ‌ని తెలిపారు. దీంతో డిగ్రీల విష‌యంలో ప్ర‌భుత్వం ఇప్ప‌టికైనా మెల్కొనాల‌ని విద్యాశాఖ వ‌ర్గాలు పెర్కొన్నాయి.

latest videos

ఏకా ఆర్ట్ ప్రొడక్షన్స్ 9 మోషన్ పోస్టర్ విడుదల

అమీ తుమీ టీజర్

కొబ్బరి మట్టా, బర్నింగ్ స్టార్ సంపూర్ణేష్ బాబు 2017

శ్రీ ముఖి డబ్ స్మాష్ ఓ సక్కనోడా గురు మూవీ సాంగ్

వాట్ ఏ ఇంస్పైరింగ్ స్పీచ్ !! # రితిక సింగ్

ఏదో ఏదో బాగుందే పూర్తీ సాంగ్ || మిస్టర్ మూవీ ||వరుణ్ తేజ్ హెబ్భా పటేల్ ||మిక్కీ జె మేయర్